Darrèir la Realitat

Labo dau CERN, 7 de julhet.
Emilia, cherchaira, z-es de corrèr per los corridors dau laboratòri en credant.
"A L'AJUDA ! A L'AJUDA ! ROTGÈIR Z-ES TOMBAT DARRÈIR LA REALITAT !! A L'AJUDA !"
'Rriba dins la sala de cafè e contunha de credar.
"Emilia, de que se passa ? Calma te !" çò li ditz Ectòr, un collèga.
Emilia bòfa un còp, e comença d'explicar.
"Rotgèir... Rotgèir z-es tombat dins l'accelerator de particulas..."
Ectòr garda son calme. "E dònc ? z-es benliau mòrt, pas de que ne'n faire tota una forma."
"NON ! contunha l'Emilia. z-es tombat pendent l'experiença, l'experiença per tornar le temps."
"E dònc ? z-es benliau 'rribat en l'Empèri Roman, o sabe pas de que."
"NON-PAS ! Per çò que l'experiença z-a pas capitat, e avèm badat una falha dins la realitat per error."
"E dòòònc ?? z-es tombat defòra la realitat, quo 'rriba ! Vèse pas totjorn le problème."
"Le problème, quo-es que ven de tornar !"
" E dòòòòn-" Mas davant de 'chabar sa frasa, l'Ectòr se fai copar per un còp de fiaulat. E d'un còp, 50000 Didiers Deschamps 'rribon per envasir le centre de rechercha, puèi le monde.