Tròp Liquide

Coma quicòm pòt èsser tròp liquide ? De qu'aquo-es la liquiditat supresma ?
Si espièm la definicion de "liquide" quo-es un estat de la matèria qu'experiençèm tota los jorns. Aquel estat se caracteriza per una non organizacion caotica de las moleculas d'una matèria donada. Dònc quicòm de "tròp" liquide, seriá quicòm de mai desorganisat e mai caotica ? Non-pas ! Sinon quo seriá gasós, e dònc sortèm de nostra carculada.
Coma quo, pòde pas veire coma una matèria pòt èsser "tròp" liquida.
Benliau que quand le monde dison que quicòm z-es "tròp" liquide, quo-es per parlar de la viscositat, per exemple, l'aiga seriá mai liquida que le miau. Mas dau còp quo-es pas pus una question de liquiditat ! Quo fait pas dau miau quicòm de "mens" liquide que l'aiga, mas quicòm de mai viscós que l'aiga.
La viscositat, quo-es l'ensem daus fenomènes de resistança au movament d'un fluïde per un escolament. La viscositat z-es per diminuar la libertat d'escolament dau fluïde, e per dissipar son energia, çò ditz Wikipèdia. Gis de rapòrt embei la liquiditat dònc !

E le melhor dins tota quo, quo-es que podèm carcular la viscositat d'un fluïde ! Sèi surat que sètz afiscar de saubre coma !
E ben, vau mas vos mostrar las formulas, per çò que sabe pas coma faire una "analisa dimensionala", desolat.