Una Pròva Irrefutabla
- Inspector, nos fau una pròva irrefutabla.
- Quo-es tot çò que tenèm comissari, pas mens, pas mai.
- Hmmm, anèm pas poder faire grand chausa 'bei tota quo... De qu'avèm desjà ?
- Una letra... Emh, e una copa de champanha.
- Quo-es çò que disiá, pas grand chausa...
- Benliau, mas la letra parla un pauc de son plant.
- Son plant per conquerir le monde ?
- Oèi, quo ditz qu'a 'chaptat un elicoptèr.
- Bon, quo-es una debuta... E la copa ?
- La copa z-es benliau liada 'bei son sopar, sabètz.
- Quo nos 'vança pas tant...
- Si, podèm la faire analisar per le laboratòri !
- Oèi, si vòles, enfin bon...
- Desolat mas z-es poderós comissari, ten una armada de fidèls, una viala, e una region complèta que li es dediada !
- Sabe inspector, sabe, mas anèm l'aver nostra pròva, gara a tu, la guerra z-es pas 'chabada, Laurenç Wauquiez !