La Dança daus Bonhats
(inspirat de "La Borrèia d'Auvèrnha")
Quau vòl saubre la vida
De la paura Auvèrnha
Que mèna vès París
Bei totas los autres pòbles
Son cortègi de bonhats ?
N'i a le grand escrivaire
Que pensa a sa carrièra
Fai daus romans de terraire
O daus romans que son vrais
Los que fon plaser aus maistres
E ven le paubre consul
D'èsser president son sunhe
E la nacion z-es son suc
Quo, o l'attractivitat
Per le monde brave faire venir
E puèi le jornalista
Locala dins sa revista
Fai sobre las feiras, de las listas
Sotz sa pluma, los territòris
Ente se passa pas jamai ren
La dançarèm pas pus, la borrèia d'Auvèrnha
La dançarèm pas pus, los violons son romputs
N'i a le tipe en borgés
Que portant, ganha pas ges
Per plaire z-es vengut objècte
Son identitat perdèt
Per faire la ponchuda palhassa
E ven le cocardat
Le quatòrzi de julhet
Sunha de la Revolucion
'Rriba pas de veire las tant d'autras
De dire: taula rasa dau passat !
E puèi los estudiant
Von vès la capitala
Norrir le manjacrestian
Triste es lo trin, que passa 'quí
Emportant totei mei amics !
La dançarèm pas pus, la borrèia d'Auvèrnha
La dançarèm pas pus, los violons son romputs
La dançarèm pas pus, e pòde contunhar la lista
Tu Jansemin, que chantava per la bona societat
Tu le dançaire provençau, dins ton musèu barrat
Tu bei ta masca tricolora, de las balas passionat
E vosautres, que sens gis vergonha, le francés parlatz.
N'es pro de copiar los maistres !
De prendre lhur cultura, e de la nostra la laissar prendre
D'èsser le dròlle que mostra au maistre mespresant son dessenh
De se lavar la bocha, chasque còp que parlèm
De sarrar lhurs mans, nos fau escupir dedins !
Le farèm adobar, le violon dau violonaire
Le farèm adobar, pèissa tornarèm dançar !
Iu vòle parlar au pòble
Vòle parlar en occitan, en auvernhat
Iu vòle parlar bei los autres pòbles en egalitat
E vòle parlar tanben en esperanto, si fau !
Iu si podiá, totas las lingas dau monde, z-o parlarai !
París z-es pas ma capitada, ni ma capitala
E los borgés, pas daus amics, mas daus enemics
Le farèm adobar, le violon dau violonaire
Le farèm adobar, pèissa tornarèm dançar
Le farèm adobar, 'rrèstem d'èsser daus bonhats
Que sèm daus occitans, e que sèm daus auvernhats
E le balèti contunhará !